ਚੰਡੀਗੜ੍ਹ, 24 ਜੁਲਾਈ, 2024:- ਸੰਸਕ੍ਰਿਤ ਵਿਭਾਗ, ਪੀ.ਯੂ. ਦੇ ਪ੍ਰੋ. ਵੀਰਿੰਦਰ ਕੁਮਾਰ ਅਲੰਕਾਰ ਦੇ ਨਵੇਂ ਸੰਸਕ੍ਰਿਤ ਕਾਵਯ ਗ੍ਰੰਥ "ਭਾਰਤੀ ਕਾਵਯਮ" ਦਾ ਪ੍ਰਕਾਸ਼ਨ ਵਿਦ੍ਯਾਨਿਧਿ ਪ੍ਰਕਾਸ਼ਨ, ਦਿੱਲੀ ਦੁਆਰਾ ਕੀਤਾ ਗਿਆ ਹੈ। ਇਸ ਸੰਸਕ੍ਰਿਤ ਕਾਵਯ ਦੀ ਹਿੰਦੀ ਟੀਕਾ ਅਤੇ ਵਿਆਖਿਆ ਡੀ.ਏ.ਵੀ. ਕਾਲਜ, ਸੈਕਟਰ-10, ਚੰਡੀਗੜ੍ਹ ਦੀ ਸੰਸਕ੍ਰਿਤ ਵਿਭਾਗਾਧਿਕਾਰੀ ਡਾ. ਅਲੰਕਾਰ ਸੁਸ਼ਮਾ ਨੇ ਕੀਤੀ ਹੈ ਅਤੇ ਜੇ.ਐੱਨ.ਯੂ. ਦੇ ਪ੍ਰੋ. ਡਾ. ਸੁਧੀਰ ਕੁਮਾਰ ਆਰਯ ਨੇ ਸੰਪਾਦਨ ਕੀਤਾ ਹੈ।
ਇਸੇ ਸਾਲ ਅਪ੍ਰੈਲ, 2024 ਵਿੱਚ ਪ੍ਰੋ. ਅਲੰਕਾਰ ਦੇ ਇੱਕ ਹੋਰ ਮਹਾਕਾਵਯ 'ਹੰਸਮਾਨਸਮ' ਦਾ ਵੀ ਲੋਕਾਰਪਣ ਹੋਇਆ ਸੀ। ਇਸ ਪ੍ਰਕਾਰ ਪ੍ਰੋ. ਅਲੰਕਾਰ ਦਾ ਇਸ ਸਾਲ ਪ੍ਰਕਾਸ਼ਿਤ ਹੋਣ ਵਾਲਾ ਇਹ ਦੂਜਾ ਕਾਵਯ ਹੈ, ਜਦਕਿ ਉਨ੍ਹਾਂ ਦੇ ਕੁੱਲ ਛੇ ਸੰਸਕ੍ਰਿਤ ਕਾਵਯ ਪ੍ਰਕਾਸ਼ਿਤ ਹੋ ਚੁੱਕੇ ਹਨ। ਪਤਾ ਲੱਗਾ ਹੈ ਕਿ ਸੰਸਕ੍ਰਿਤ ਕਵੀ 'ਅਲੰਕਾਰ' ਦੇ 'ਹੰਸਮਾਨਸ' ਮਹਾਕਾਵਯ ਨੂੰ ਕਈ ਵਿਸ਼ਵਵਿਦਿਆਲਯਾਂ ਵਿੱਚ ਸ਼ੋਧ ਕਾਰਜ ਲਈ ਵੀ ਉੱਤਮ ਸ਼੍ਰੇਣੀ ਦਾ ਮੰਨਿਆ ਗਿਆ ਹੈ ਅਤੇ 'ਭਾਰਤੀਕਾਵਯਮ' ਨੂੰ ਪਾਠਕ੍ਰਮ ਵਿੱਚ ਰੱਖਣ 'ਤੇ ਵੀ ਵਿਚਾਰ ਚਲ ਰਿਹਾ ਹੈ। ਇਸ ਕਾਵਯ ਵਿੱਚ ਸੰਸਕ੍ਰਿਤ ਦੇ ਸੁੰਦਰਤਾ ਅਤੇ ਇਤਿਹਾਸ ਨੂੰ ਕਾਵਯ ਸ਼ੈਲੀ ਵਿੱਚ ਪੇਸ਼ ਕਰਨ ਦਾ ਵਧੀਆ ਪ੍ਰਯਾਸ ਕੀਤਾ ਗਿਆ ਹੈ।
ਸੰਸਕ੍ਰਿਤ ਸਾਹਿਤ ਅਤੇ ਸ਼ਾਸਤਰਾਂ ਵਿੱਚ ਯੋਗਦਾਨ ਲਈ ਪ੍ਰੋ. ਅਲੰਕਾਰ ਨੂੰ ਕਈ ਰਾਜਕੀ ਪੁਰਸਕਾਰਾਂ ਨਾਲ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ। ਸੰਸਕ੍ਰਿਤ ਸਾਹਿਤ ਵਿੱਚ ਪੰਜਾਬ ਦੇ ਯੋਗਦਾਨ ਵਿੱਚ ਇਸ ਗ੍ਰੰਥ ਦਾ ਆਪਣਾ ਮਹੱਤਵ ਹੈ।