ਪਟਿਆਲਾ, 20 ਜੁਲਾਈ - ਇੱਥੋਂ ਦੇ ਸਰਕਾਰੀ ਮੈਡੀਕਲ 'ਚ  ਫਾਈਨਲ ਈਅਰ ਦੀ ਵਿਦਿਆਰਥਣ ਦੀ ਲਾਸ਼ ਉਸ ਦੇ ਹੋਸਟਲ ਦੇ ਕਮਰੇ ਵਿੱਚੋਂ ਮਿਲੀ ਹੈ। ਮ੍ਰਿਤਕ ਦੀ ਪਛਾਣ ਚੇਨਈ ਦੀ ਰਹਿਣ ਵਾਲੀ ਸੁਭਾਸ਼ਿਨੀ (30) ਵਜੋਂ ਹੋਈ ਹੈ। ਸੁਭਾਸ਼ਿਨੀ ਦੀ ਲਾਸ਼ ਨੂੰ ਅੱਜ ਦੁਪਹਿਰ ਹੋਸਟਲ ਵਾਰਡਨ ਨੇ ਦੇਖਿਆ, ਜਿਸ ਤੋਂ ਬਾਅਦ ਪੁਲਿਸ ਨੂੰ ਮੌਕੇ 'ਤੇ ਬੁਲਾਇਆ ਗਿਆ। ਭਲਕੇ ਪਰਿਵਾਰ ਦੇ ਆਉਣ ਤੋਂ ਬਾਅਦ ਵਾਰਡਨ ਦੇ ਬਿਆਨ ਦਰਜ ਕਰਕੇ ਪੁਲਿਸ ਅਗਲੀ ਕਾਰਵਾਈ ਕਰੇਗੀ। ਐਸ ਪੀ ਸਿਟੀ ਮੁਹੰਮਦ ਸਰਫਰਾਜ਼ ਆਲਮ ਨੇ ਦੱਸਿਆ ਕਿ ਵਿਦਿਆਰਥੀ ਦੀ ਮੌਤ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਪਰ ਪੋਸਟਮਾਰਟਮ ਤੋਂ ਬਾਅਦ ਸਾਰਾ ਮਾਮਲਾ ਸਪੱਸ਼ਟ ਹੋਵੇਗਾ।
ਸੁਭਾਸ਼ਿਨੀ ਕਾਲਜ ਵਿੱਚ ਅਨੱਸਥੀਸੀਆ ਦੀ ਪੜ੍ਹਾਈ ਕਰ ਰਹੀ ਸੀ। ਉਹ ਸੋਮਵਾਰ ਤੋਂ ਹੀ ਆਪਣੇ ਕਮਰੇ ਵਿੱਚ ਸੀ, ਸ਼ਨੀਵਾਰ ਨੂੰ ਜਦੋਂ ਉਹ ਰੁਟੀਨ ਮੁਤਾਬਕ ਆਪਣੇ ਕਮਰੇ ਤੋਂ ਬਾਹਰ ਨਹੀਂ ਆਈ ਤਾਂ ਹੋਸਟਲ ਵਾਰਡਨ ਨੇ  ਮਾਸਟਰ ਚਾਬੀ ਨਾਲ ਕਮਰਾ ਖੁਲਵਾਇਆ ਤਾਂ ਸੁਭਾਸ਼ਿਨੀ ਦੀ ਮੌਤ ਦਾ ਖੁਲਾਸਾ ਹੋਇਆ।