ਚੰਡੀਗੜ੍ਹ: 06 ਅਪ੍ਰੈਲ, 2024:- ਪੰਜਾਬ ਇੰਜਨੀਅਰਿੰਗ ਕਾਲਜ (ਡੀਮਡ ਟੂ ਬੀ ਯੂਨੀਵਰਸਿਟੀ), ਚੰਡੀਗੜ੍ਹ ਵੱਲੋਂ 06 ਤੋਂ 08 ਅਪ੍ਰੈਲ, 2024 ਤੱਕ ਇੰਟਰ-ਟੈਕਨਾਲੋਜੀ ਯੂਨੀਵਰਸਿਟੀ ਸਪੋਰਟਸ ਐਸੋਸੀਏਸ਼ਨ (ਆਈਟੂਐਸਏ) ਕ੍ਰਿਕਟ ਟੂਰਨਾਮੈਂਟ ਕਰਵਾਇਆ ਜਾ ਰਿਹਾ ਹੈ, ਜਿਸ ਵਿੱਚ ਐਨਆਈਟੀ ਕੁਰੂਕਸ਼ੇਤਰ, ਟੀਆਈਈਟੀ ਪਟਿਆਲਾ, ਐਸਐਲਆਈਈਟੀ ਲੌਂਗੋਵਾਲ ਅਤੇ ਪੀਈਸੀ ਚੰਡੀਗੜ੍ਹ ਦੀਆਂ ਟੀਮਾਂ ਹਿੱਸਾ ਲੈ ਰਹੀਆਂ ਹਨ। ਪੀ.ਈ.ਸੀ. ਦੇ ਮਾਨਯੋਗ ਡਾਇਰੈਕਟਰ, ਪ੍ਰੋ. (ਡਾ.) ਬਲਦੇਵ ਸੇਤੀਆ ਜੀ ਨੇ ਸਾਰੇ ਡੀਨ, ਐਚਓਡੀਜ਼ ਅਤੇ ਫੈਕਲਟੀ ਦੇ ਮੈਂਬਰਾਂ ਦੇ ਨਾਲ ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਉਨ੍ਹਾਂ ਨੇ ਅੱਜ 6 ਅਪ੍ਰੈਲ, 2024 ਨੂੰ ਟੂਰਨਾਮੈਂਟ ਦਾ ਉਦਘਾਟਨ ਵੀ ਕੀਤਾ।

ਪਹਿਲੇ ਦਿਨ ਦੇ ਪਹਿਲੇ ਮੈਚ ਦਾ ਨਤੀਜਾ ਇਸ ਤਰ੍ਹਾਂ ਹੈ:-

ਪਹਿਲਾ ਮੈਚ ਐਨਆਈਟੀ ਕੁਰੂਕਸ਼ੇਤਰ ਬਨਾਮ ਥਾਪਰ ਪਟਿਆਲਾ ਵਿਚਕਾਰ ਖੇਡਿਆ ਗਿਆ। ਐਨਆਈਟੀ ਕੁਰੂਕਸ਼ੇਤਰ ਨੇ ਮੈਚ ਦੀ ਸ਼ੁਰੂਆਤ ਬੱਲੇਬਾਜ਼ੀ ਨਾਲ ਕੀਤੀ। ਐਨਆਈਟੀ ਕੁਰੂਕਸ਼ੇਤਰ ਨੇ 164/8 ਦਾ ਸਕੋਰ ਕੀਤਾ। ਥਾਪਰ ਪਟਿਆਲਾ ਨੇ 155/10 ਦਾ ਸਕੋਰ ਕੀਤਾ। ਐਨਆਈਟੀ ਕੁਰੂਕਸ਼ੇਤਰ ਨੇ 9 ਰਨਾਂ ਨਾਲ ਜਿੱਤ ਦਰਜ ਕੀਤੀ। ਐਨਆਈਟੀ ਕੁਰੂਕਸ਼ੇਤਰ ਦੇ ਸ੍ਰੀ ਓਮ ਸ਼ਿਵ ਨੂੰ ਮੈਨ ਆਫ਼ ਦਾ ਮੈਚ ਐਲਾਨਿਆ ਗਿਆ ਅਤੇ ਉਨ੍ਹਾਂ ਨੂੰ ਡਾ. ਐਮ.ਪੀ. ਗਰਗ ਦੁਆਰਾ ਸਨਮਾਨਿਤ ਵੀ ਕੀਤਾ ਗਿਆ।