ਮੋਹਾਲੀ, 13 ਮਈ - ਭਾਜਪਾ ਦੇ ਫੇਜ਼-9 ਦੇ 8 ਬੂਥਾਂ ਦੇ  ਇੰਚਾਰਜਾਂ ਦੀ ਇੱਕ ਅਹਿਮ ਮੀਟਿੰਗ ਅੱਜ ਮੁਹਾਲੀ ਦੇ ਸੀਨੀਅਰ ਭਾਜਪਾ ਆਗੂ ਰਮੇਸ਼ ਵਰਮਾ ਦੇ ਗ੍ਰਹਿ ਵਿਖੇ ਹੋਈ, ਜਿਸ ਵਿੱਚ ਭਾਜਪਾ ਜ਼ਿਲ੍ਹਾ ਮੁਹਾਲੀ ਦੇ ਪ੍ਰਧਾਨ ਸੰਜੀਵ ਵਸ਼ਿਸ਼ਟ ਨੇ ਵਿਸ਼ੇਸ਼ ਤੌਰ ’ਤੇ ਸ਼ਿਰਕਤ ਕੀਤੀ ਅਤੇ ਭਾਜਪਾ ਉਮੀਦਵਾਰਾਂ ਦੇ ਹੱਕਾਂ ਬਾਰੇ  ਚੋਣ ਪ੍ਰਚਾਰ ਕਰਨ ਅਤੇ   ਵਿਚਾਰ ਵਟਾਂਦਰਾ ਕੀਤਾ  ਅਤੇ ਜਿੱਤਣ ਦੀ ਰਣਨੀਤੀ ਵੀ ਬਣਾਈ ਗਈ। ਮੀਟਿੰਗ ਵਿਚ ਵਿਸ਼ੇਸ਼ ਤੌਰ 'ਤੇ ਸੰਜੀਵ ਵਸ਼ਿਸ਼ਟ ਜ਼ਿਲ੍ਹਾ ਪ੍ਰਧਾਨ, ਰਮੇਸ਼ ਕੁਮਾਰ ਵਰਮਾ ਕਾਰਜਕਾਰੀ ਮੈਂਬਰ ਭਾਜਪਾ ਪੰਜਾਬ, ਟੀ.ਆਰ.ਸ਼ਰਮਾ, ਐਚ.ਸੀ.ਸੇਤੀਆ, ਅਮਨਦੀਪ ਮੁੰਡੀ, ਅਰਵਿੰਦ ਠਾਕੁਰ, ਰਮਨ ਸ਼ਰਮਾ, ਚੰਦਰ ਜੁਆਲ, ਹਿਤੇਸ਼, ਮਨੋਜ ਮੱਕੜ, ਅੰਕਿਤ ਪਟੇਲ, ਵਿਜੇ ਮੰਡਲ, ਪੰਕਜ  ਦੂਬੇ, ਡਾ.ਬੀ.ਐਲ.ਅਰੋੜਾ, ਵਿਸ਼ਨੂੰ ਪ੍ਰਤਾਪ ਚੌਹਾਨ, ਜਤਿੰਦਰ ਗੋਇਲ, ਕੁਲਦੀਪ ਕੁਮਾਰ, ਰਜਿੰਦਰ ਸ਼ਰਮਾ, ਰਾਜੀਵ, ਉਮੇਸ਼ ਯਾਦਵ, ਸੁਰਮੁੱਖ ਸਿੰਘ, ਰਜਿੰਦਰ ਕੁਮਾਰ, ਸੁਨੀਲ ਕੁਮਾਰ, ਰਮਨ ਸਾਲੀ ਅਤੇ ਹੋਰ ਪਤਵੰਤੇ ਹਾਜ਼ਰ ਸਨ।
ਮੀਟਿੰਗ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਭਾਜਪਾ ਦੇ ਦੋਵੇਂ ਸੀਨੀਅਰ ਆਗੂਆਂ ਸੰਜੀਵ ਵਸ਼ਿਸ਼ਟ ਅਤੇ ਰਮੇਸ਼ ਵਰਮਾ ਨੇ ਕਿਹਾ ਕਿ ਲੋਕ ਸਭਾ ਚੋਣਾਂ ਜਿੱਤਣ ਲਈ ਰਣਨੀਤੀ ਬਣਾਉਣ ਲਈ ਮੀਟਿੰਗ ਕੀਤੀ ਗਈ ਹੈ, ਉਨ੍ਹਾਂ ਕਿਹਾ ਕਿ ਜੇਕਰ ਪੰਜਾਬ ਦਾ ਮੁਕੰਮਲ ਵਿਕਾਸ ਕਰਨਾ ਹੈ ਅਤੇ ਸ ਜੇਕਰ ਲੋਕ ਪੰਜਾਬ ਦਾ ਭਲਾ ਚਾਹੁੰਦੇ ਹਨ ਤਾਂ ਉਨ੍ਹਾਂ ਨੂੰ ਕੇਂਦਰ ਦੀ ਮੋਦੀ ਸਰਕਾਰ ਨੂੰ ਵੋਟ ਪਾਉਣੀ ਚਾਹੀਦੀ ਹੈ। ਉਨ੍ਹਾਂ ਦੱਸਿਆ ਕਿ ਮੰਗਲਵਾਰ ਨੂੰ ਭਾਜਪਾ ਉਮੀਦਵਾਰ ਡਾ: ਸੁਭਾਸ਼ ਸ਼ਰਮਾ ਆਪਣੇ ਨਾਮਜ਼ਦਗੀ ਪੱਤਰ ਦਾਖ਼ਲ ਕਰਨਗੇ ਅਤੇ ਭਾਜਪਾ ਆਗੂ ਤੇ ਪਾਰਟੀ ਵਰਕਰ ਕਾਫ਼ਲੇ ਦੇ ਰੂਪ 'ਚ ਪ੍ਰੋਗਰਾਮ 'ਚ ਸ਼ਮੂਲੀਅਤ ਕਰਨਗੇ |