ਚੰਡੀਗੜ੍ਹ: 24 ਅਗਸਤ, 2024:-ਪੰਜਾਬ ਇੰਜੀਨੀਅਰਿੰਗ ਕਾਲਜ (ਡੀਮਡ ਟੂ ਬੀ ਯੂਨੀਵਰਸਿਟੀ), ਚੰਡੀਗੜ੍ਹ ਨੇ 16 ਅਗਸਤ ਨੂੰ ਬੀ.ਟੈਕ ਦੇ ਨਵੇਂ ਬੈਚ (2024-28) ਦਾ ਸੁਆਗਤ ਇੱਕ ਹਫ਼ਤੇ ਦੇ ਓਰੀਐਂਟੇਸ਼ਨ ਪ੍ਰੋਗਰਾਮ ਦੀ ਸ਼ੁਰੂਆਤ ਨਾਲ ਤਹਿਦਿਲੋਂ ਕੀਤਾ। ਅੱਜ ਇਸ ਓਰੀਐਂਟੇਸ਼ਨ ਦਾ ਸਮਾਪਤ ਪੂਰੇ ਜੋਸ਼ ਅਤੇ ਉਤਸਾਹ ਨਾਲ ਹੋਇਆ, ਜਿੱਥੇ ਕਿ ਕੈਂਪਸ ਵਿੱਚ ਨਵੇਂ ਵਿਦਿਆਰਥੀਆਂ ਦੀ ਉਤਸ਼ਾਹ ਭਰੀ ਭਾਵਨਾਵਾਂ ਸਾਫ਼ ਦਿਖਾਈ ਦੇ ਰਹੀਆਂ ਸਨ। ਇਸ ਸਾਲ ਬੀ.ਟੈਕ ਵਿੱਚ ਹੁਣ ਤੱਕ 859 ਵਿਦਿਆਰਥੀਆਂ ਦਾ ਦਾਖਲਾ ਹੋ ਚੁਕਾ ਹੈ।

ਪੂਰੇ ਹਫ਼ਤੇ, ਵੱਖ-ਵੱਖ ਕਲੱਬਾਂ ਅਤੇ ਸੋਸਾਇਟੀਆਂ ਨੇ ਨਵੇਂ ਵਿਦਿਆਰਥੀਆਂ ਨੂੰ ਆਪਣੇ ਬਾਰੇ ਜਾਣਕਾਰੀ ਦਿੱਤੀ। ਸ਼ੁਰੂਆਤੀ ਸੱਤਰ ਵਿੱਚ ਨਿਦੇਸ਼ਕ ਪ੍ਰੋ. ਰਾਜੇਸ਼ ਕੁਮਾਰ ਭਾਟੀਆ (ਐਡ ਇੰਟਰਿਮ), ਰਜਿਸਟਰਾਰ ਕਰਨਲ ਆਰ. ਐਮ. ਜੋਸ਼ੀ, ਡਾ. ਡੀ. ਆਰ. ਪ੍ਰਜਾਪਤੀ (ਡੀਨ ਸਟੂਡੈਂਟਸ ਅਫੇਅਰਸ), ਪ੍ਰੋ. ਐਸ. ਕੇ. ਮੰਗਲ (ਡੀਨ ਅਕੈਡਮਿਕ ਅਫੇਅਰਸ) ਅਤੇ ਸਾਰੇ ਵਿਭਾਗਾਂ ਅਤੇ ਕੇਂਦਰਾਂ ਦੇ ਹੈੱਡਸ ਸ਼ਾਮਲ ਹੋਏ। ਹਰ ਵਿਭਾਗ ਦੇ ਹੈੱਡਸ ਨੇ ਵੀ ਆਪਣੇ ਵਿਭਾਗਾਂ ਤੋਂ ਸਾਰਿਆਂ ਨੂੰ ਜਾਣੂ ਕਰਵਾਇਆ। PEC ਦੇ ਡਾਇਰੈਕਟਰ, ਪ੍ਰੋ. ਭਾਟੀਆ ਨੇ ਵਿਦਿਆਰਥੀਆਂ ਦਾ ਸਵਾਗਤ ਕਰਦਿਆਂ ਉਨ੍ਹਾਂ ਨੂੰ 100 ਸਾਲ ਤੋਂ ਜ਼ਿਆਦਾ ਪੁਰਾਣੇ ਇਸ ਸੰਸਥਾਨ ਵਿੱਚ ਸ਼ਾਮਿਲ ਹੋਣ 'ਤੇ ਵਧਾਈ ਦਿੱਤੀ ਅਤੇ ਜੀਵਨ ਵਿੱਚ ਸਫਲਤਾ ਲਈ ਚਾਰ ਮੁੱਖ ਗੁਣ—ਬੁੱਧੀਮੱਤਾ (IQ), ਭਾਵਨਾਤਮਕ ਸਮਝ (EQ), ਸਮਾਜਿਕ ਸਮਝ (SQ), ਅਤੇ ਮੁਸ਼ਕਲਾਂ ਦਾ ਸਾਹਮਣਾ ਕਰਨ ਦੀ ਸਮਰਥਾ (AQ)—'ਤੇ ਧਿਆਨ ਦੇਣ ਦੀ ਸਲਾਹ ਵੀ ਦਿੱਤੀ।

ਪ੍ਰੋ. ਐਸ. ਕੇ. ਮੰਗਲ ਨੇ ਵਿਦਿਆਰਥੀਆਂ ਨੂੰ ਵੱਖ-ਵੱਖ ਕੋਰਸਾਂ, ਸ਼ਾਖਾਵਾਂ ਅਤੇ ਨਿਯਮਾਂ ਬਾਰੇ ਜਾਣਕਾਰੀ ਦਿੱਤੀ, ਜਦਕਿ ਡਾ. ਡੀ. ਆਰ. ਪ੍ਰਜਾਪਤੀ ਨੇ ਕੈਂਪਸ ਦੀ ਜ਼ਿੰਦਗੀ, ਕਲੱਬਾਂ, ਸੋਸਾਇਟੀਆਂ ਅਤੇ ਖੇਡਾਂ ਦੀਆਂ ਸਹੂਲਤਾਂ ਜਿਵੇਂ ਕਿ ਸਵਿਮਿੰਗ ਪੂਲ, ਜਿਮ, ਕ੍ਰਿਕਟ ਅਤੇ ਫੁਟਬਾਲ ਮੈਦਾਨਾਂ ਬਾਰੇ ਦੱਸਿਆ। ਉਨ੍ਹਾਂ ਨੇ ਪੀਈਸੀ ਦੇ ਮੁੱਖ ਇਵੈਂਟ ਪੀਈਸੀਫੈਸਟ ਅਤੇ ਐਨਐੱਸਐੱਸ, ਐਨਸੀਸੀ ਵਰਗੀਆਂ ਸਰਗਰਮੀਆਂ ਬਾਰੇ ਵੀ ਜਾਣਕਾਰੀ ਦਿੱਤੀ।

ਹੁਣ ਜਦੋਂ ਓਰੀਐਂਟੇਸ਼ਨ ਹਫ਼ਤਾ ਖਤਮ ਹੋ ਗਿਆ ਹੈ, ਨਵੇਂ ਵਿਦਿਆਰਥੀ ਪੀਈਸੀ ਵਿੱਚ ਆਪਣੀ ਪੜਾਈ ਦੀ ਸ਼ੁਰੂਆਤ ਲਈ ਪੂਰੀ ਤਰ੍ਹਾਂ ਤਿਆਰ ਹਨ ਅਤੇ ਇਸ ਪ੍ਰਤਿਸ਼ਠਿਤ ਸੰਸਥਾਨ ਵਿੱਚ ਆਪਣੇ ਚਾਰ ਸਾਲਾਂ ਦੇ ਸਫ਼ਰ ਦਾ ਪੂਰਾ ਆਨੰਦ ਲੈਣ ਲਈ ਬੇਸਬਰੀ ਨਾਲ ਤਿਆਰ ਹਨ।